Esperanto-gazetaro en Interreto

Tiun ĉi servon ofertas al siaj legantoj ankaŭ ĉeĥaj E-periodaĵoj – presorgano de ĈEA Starto, gazeto de la katolika sekcio de ĈEA Dio Benu (en kiu oni kutime trovas artikolojn interesajn ankaŭ por nekatolikoj) kaj monata gazeto de Asocio de Esperantistoj-Handikapuloj Informilo , kiu krom novaĵoj el E-movado alportas ankaŭ diversajn interesaĵojn el la vivo de handikapitoj.

Mallongan videoprezenton de E-periodaĵoj vi povas rigardi en Youtube ĉi-tie, artikolo pri trarigardo de E-gazetaro en esperanta Vikipedio troviĝas ĉi-tie.

Elektitajn specimenojn de periodaĵoj por elŝuto ofertas post senpaga registriĝo portalo GAZETEJO, kiu nuntempe inkluzivas pli ol 1700 numerojn de 110 E-gazetoj de ĉiuj kontinentoj.

Al via atento ni rekomendas precipe sekvajn titolojn:

• Eŭropa bulteno, oficiala bulteno de Eŭropa Esperanto-Unio
• socia-politika monatrevuo Monato (Belgio)
• Bona volo (Brazilo), alportanta krom E-temoj ankaŭ kontribuaĵojn pri literaturo, humanismo kaj ekumenismo
• Esperanto sub la Suda Kruco (Aŭstralio kaj Novzelando)
• Familia Esperanto (pro E-familioj)
• kultura revuo La Karavelo (Portugalio) kaj La Lampiro (Brazilo)
• skolta gazeto La Skolta Mondo
• La Nova vojo, prezentanta inspiran universalan spiritan movadon el Japanio nomatan Oomoto
• beletra monatrevuo Penseo, alportanta originalajn E-verkojn kaj tradukojn el la ĉina lingvo

Ĉi-tie vi povaws krome senpage aliĝi al abono de novaĵoj en tiu ĉi retejo (ĉ. 3–4× jare).

Krom klasikaj gazetoj trovis siajn legantojn ankaŭ gazetoj, aperantaj nur en elektronika formo: al la plej legataj apartenas precipe Libera folio, okupiĝanta pri internacia E-movado kaj novaĵraporta portalo Eventeo, alportanta aktualaĵojn de kontribuantoj el diversaj landoj pri (neesperantaj) eventoj en la mondo.

Aŭ ĉu vi estas tro okupitaj, kaj tamen vi volas esti almenaŭ baze informitaj pri la nuntempaj E-aktivecoj en la mondo? Tiam ĝuste por vi estas destinita servo RET-INFO, kiun senpage ofertas redaktejo de la iama kvarontaga gazeto Eventoj, eldonata en Budapeŝto. Dank‘ al ĝi vi povas ĉ. 1–2× semajne ricevadi retpoŝte elektitan aktualaĵon el E-gazetaro (aŭ alia fonto). Aliĝi al abono vi povas post plenigo de konciza aliĝilo ĉi-tie (post klako al la 1-a rubriko Ret-info).

Universala Esperanto-Asocio (UEA) ofertas por senpaga abono tri siajn interretajn periodaĵojn: Gazetaraj komunikoj de UEA, TEJO aktuale (pri aktivecoj de junularo) kaj Laste aperis (Libronovaĵoj). Interesuloj povas anonci sian retpoŝtan adreson por abono ĉi-tie.

pd