Kiel esprimi kunsenton kun viktimoj de la tertremo

Traktadoj pri ebla materia helpo eĉ sur la nivelo de registaroj estas nur ĉe komenco, tial ĉi-momente restas al ni ordinaruloj esprimi plejparte „nur“ nian spiritan kaj moralan kuneston kaj kunsenton.

Al la Ipernity-paĝo de nia Esperanto-muzeo ni alŝutis videon kun budhana packanto, dum kies spektado vi povas – kaze de via intereso – almenaŭ pormomente ekhalti, kontaktiĝi kun via „interna suno“ (interna forto), fokusigi vian aman koncentriĝon al la viktimoj de la tertremo kaj el via koro sendi energion, bondezirojn, preĝon (iel ajn vi nomas tion en via interna lingvaĵo) kaj al la suferantoj kaj al tiuj, kiuj jam foriris el sia korpo.

Se vi deziras kuniĝi kaj partopreni, bv. klaki al http://www.ipernity.com/…031/10181232.

Viaj komentarioj kaj personaj esprimoj de solidareco ĉi-sube kaj pluaj iniciatoj kaj ideoj estas bonvenaj.

Se nia inciato tuŝis vin, bv. sendi tiun ĉi ligilon kaj alvokon plu al viaj esperanto-geamikoj.

En blogo de franca Ipernitiano Eugene Wermelinger troviĝas aktualaj raportoj pri propraj travivaĵoj de japana esperantisto Hori Jasuo el la 13– kaj 14-a de marto. Vi povas legi ilin en:

http://www.ipernity.com/…65306/314782 kaj http://www.ipernity.com/…65306/314979

Legindas ankaŭ artikolo Tertremo en Japanio:ekonomiaj sekvoj.

kaj Riporto de japana esperantisto Teduka, loĝanta en la urbo Tagaĵoo atakita de cunamo.

Se ni sukcesos ekhavi pliajn vivsignojn kaj informojn de niaj japanaj esperanto-konatuloj kaj se estos organizita iu por ni realigebla formo de kolektiva subteno kaj helpo, ni volonte plu informos vin pri ĉi-tio ĉi-sube en komentarioj aŭ en aparta artikolo.

Koran antaŭdankon por viaj komprenemo kaj kunesto.

La estonteco de nia planedo – de nia Patrino Tero – dependas ankaŭ de pureco de la koro kaj menso de ni ĉiuj.

Pavla Dvořáková (pd)