Novaj registraĵoj de la spirita muziko
Lige kun la solenaĵo omaĝe al 90jariĝo de la honora membro de
ĈEA pastro Josef Xaver Kobza, kiu
okazis 26.2. en České
Budějovice, estis kadre de la kultura programo realigitaj novaj
registraĵoj de la spirita klasika muziko, kiujn ni nun ofertas al niaj
legantoj.
Temas pri du antikvaj ĉeĥaj ĥoraloj
Disinjoro, nin indulgu (Hospodine pomiluj ny)
Sankta Venceslao (Svatý Václave)
kaj pri la fama komponaĵo de W.A. Mozart – Ave verum
corpus. 
La kantojn prezentas operkantisto Miroslav Smyčka kun pianoakompananto d-ro Ladislav Tříska.
Kaze de via intereso eblas elŝuti la registraĵojn en vian komputilon.
Ni ĝojas diskonigi plu la registraĵojn, esperante ke pro la arta kvalito ĝuos vin ankaŭ tiuj el vi, kiuj ne konsideras sin laŭ kredo kristanoj.
Koncerne neformalan parton de la programo, ni ankaŭ informas pri verŝajne unua registrado de la konata sudbohemia popolkanto Nia voj' al Tábor (Od Tábora až k nám).
pd
- publikita 1. 3. 2011
- 1550 homoj de tiam tralegis tiun ĉi artikolon
- paĝon oni povas printi