Ekzercu Esperanton kaj aliajn lingvojn pere de videofabeloj!
Kun ĝojo ni prezentas al vi multlingvan projekton Bookbox, pere de
kiu vi povas senpage kaj amuzmaniere perfektigi viajn lingvokapablojn!
Projekto nun alirebligita en Youtube alportas preskaŭ 300 mallongajn (ĉ. 5–7minutajn) desegnitajn fabelojn, devenantajn el diversaj partoj de la mondo, kiuj estas mallonge kaj klare parolataj kaj samtempe subtitoligitaj. Jen sendube bonega maniero kiel plibonigi sian kapablon kompreni parolan lingvon, kaj ni kredas, ke ni tiel plezurigos lingvointeresulojn ĉiuaĝajn – ĉar ja ĉiu el ni iam estis (kaj iusence daŭre restas) infano :-) !
Vi povas tie trovi ankaŭ fabelojn en Esperanto, ekz.:
Multaj fabeloj disponeblas en pluraj lingvoversioj. Ekz. tiun laste menciitan vi povas sekvi ankaŭ en la lingvoj angla, ĉina, franca, itala, germana, portugala, sanskrita, svahila, hispana kaj aliaj.
Do se vi volas perfektiĝi ankaŭ en aliaj lingvoj ol en Esperanto (kio ĉe multaj esperantistoj estas nenio malkutima kaj ja ĉi-tie disponeblas pli ol trideko da lingvoj), skribu en la serĉilon de Youtube „Learn XXX with subtitles“ kaj anstataŭ XXX skribu anglalingvan nomon de la postulata lingvo (English, French, German, Spanish, Italian, …) , aŭ serĉu rekte ĉi-tie aŭ en la retejo de la kompanio elektante la lingvon en Change Language.
Vi povas ĉi-tie aŭdi ankaŭ la araban, la grekan, la hindan, sed ankaŭ ekz. la la guĝaratan aŭ la teluguan, aŭ lingvojn, pri kies ekzisto vi eble neniam ĝis nun aŭdis, ekz. chatino aŭ odia.
Ĉu vi konas aliajn Esperanto-videofabelojn disponeblajn senpage en Interreto? Bv. partumi kun ni la ligilojn en komentarioj! Aŭ ĉu vi emas kaj pretas mem paroligi aŭ subtitoligi iun? Des pli bone!
padv
- publikita 30. 3. 2012
- 1184 homoj de tiam tralegis tiun ĉi artikolon
- paĝon oni povas printi