Esperanta kulturo - koncize en la libro
.png)
La membroj de UEA aŭ abonantoj
de la Revuo Esperanto povis legi en la maja numero recenzon pri la
unika libro Esperanta kulturo. Nun ĝi oficiale senpage elŝuteblas, do
ne maltrafu la brilan okazon havi kaj legi ĝin!
La libro estas kolekto de artikoloj verkitaj de
instruistoj kaj studentoj de la Adam Mickiewicz Universitato en Poznano, en la
fako de Interlingvistikaj Studoj. Entute 15 ĉapitroj priskribas elementojn de
la Esperanta kulturo, kiel ekzemple frazeologion (kiel vi kompletigus la frazon
'Ne ŝovu la nazon …), teatron, filmon, gazetaron, radielsendojn, muzeojn kaj
aliajn.
Se vi volas pli detale ekkoni la tutan enhavon, vi povas elŝuti la libron kun koloraj bildoj en PDF formato (sube de la koncerna pagxo sub la titolo „Załączniki“). La presita versio nuntempe estas disvendita. Tiu ĉi estas la dua libro en planita trilogia serio, la unua jam publikigita estas Interlingvistiko: Enkonduko en la sciencon pri planlingvoj de Věra Barandovská-Frank (elŝutebla ĉi tie).
- jk-
- publikita 17. 9. 2023
- 337 homoj de tiam tralegis tiun ĉi artikolon
- paĝon oni povas printi