Interesiĝo pri magistraj studoj: specialiĝo Interlingvistiko kadre de Lingvistik
En Adam Mickiewicz Universitato (AMU), en Poznano, Pollando jam de 1998 funkcias internaciaj postdiplomaj interlingvistikaj studoj. Por la studjaro 2022/23 estas planate startigi 2-jarajn magistrajn studojn pri interlingvistiko enkadre de la fako Lingvistiko kaj Informmanaĝado por internacia studentaro (en la Fakultato pri Modernaj Lingvoj kaj Literaturoj).
La dulingva (esperanta kaj angla) programo inkludas:
- kontinuon de Esperanto kaj la angla en supera nivelo (C1-C2)
- lingvistikon (fonetikon, morfologion, sintakson, semantikon) de Esperanto kaj tra ĝi ĝeneralajn nociojn de lingvistiko kaj lingva tipologio
- internacian kaj interkulturan komunikadon
- analizon de planlingvoj (de filozofiaj tra naturalismaj ĝis artaj lingvoj)
- kulturon kaj literaturon de Esperanto kaj tra tio aliron al mondaj tendencoj.
- Tradukadon inter la angla kaj esperanto
- Informatikajn ilojn kaj metodojn por lingvistoj (retejoj, korpusoj, tradukiloj ktp).
Poznan, 08.03.2022 Prof. dr hab. Ilona Koutny Gvidanto de la Interlingvistikaj Studoj http://interl.amu.edu.pl Adam Mickiewicz Universitato ikoutny@amu.edu.pl al. Niepodleglosci 4. PL-61–874 Poznan
Por pli da informoj bonvolu kontakti prof. Koutny.
- publikita 23. 3. 2022
- 238 homoj de tiam tralegis tiun ĉi artikolon
- paĝon oni povas printi