Jan Řepa festas la vivjubileon
La 14-an de majo 2024 ĉeĥa esperantisto Jan Řepa, ofte alinomata
Fidel kaj populara precipe pro sia nevelkanta humuro, festas sian 80-an
naskiĝtagon. Li apartenas al delongaj aktivaj membroj de ĈEA kaj en sia ĉarma
hejmurbeto Netolice li konatas ankaŭ
kiel membro de la loka teatroensemblo TYL. Li aktoris, registris literaturaĵojn
kaj dublis filmetojn ankaŭ en Esperanto. Spektu kun ni tute novan filmeton
omaĝe al lia jubileo!
En aprilo 2024 lia ekslernanto de Esperanto, amiko kaj samurbano Vladimír Türk (kiu reĝisoradis liajn registradojn) realigis kun li mallongan intervjuon kaj sekve 7minutan filmeton, kiu skizas liajn poresperantajn aktivecojn.
Rilataj artikoloj en nia retejo
Jan Fidel Řepa solenis sian vivjubileon 2014 – okaze de 70jariĝo – biografiaj informoj kaj ligiloj al ĝis tiam realigitaj sonregistraĵoj kaj dublitaj filmetoj
Tri vivoamoj de Jan Fidel Řepa – virinoj, teatro kaj Esperanto 2019 – okaze de la 75jariĝo – fotogalerio de liaj teatroroloj kaj poresperantaj aktivadoj
Jan Fidel Řepa en sia plej amata rolo de la renesanca nobelo Petr Vok (2009), en la dramo R.U.R. de Karel Čapek dum la 98-a UKo en Rejkjaviko (2013) kaj kiel doktoro Zamenhof dum la Muzea nokto en Svitavy (2015)
Elektitaj sonregistraĵoj, videoj kaj dublitaj filmoj
- Karel Čapek – R.U.R. en la rolo de la autoro (Karel Čapek), konferenco OSIEK, Svitavy 2012
- Fráňa Šrámek – ampoemo Kluzo 2008
- Faeton el Malnovaj grekaj mitoj, 2018
- Amdeklaro de Petr Vok al Suda Bohemio en la kastelo Hratochvíle, 2015
- Bonvenon en Písek – la pordego al Suda Bohemio 2010
- Burgo Zvíkov 2010
- Svitavy – malferma kaj movoplena urbo 2015
Elkorajn dankojn, Fidel,
por ĉio kion vi ĝis nun faris
kaj por la ĝojo kiun vi disdonis!
Ni deziras al vi
plenecon da tempo
travivota en sano, bonhumoro
kaj inter karaj homoj!
Pavla Dvořáková
- publikita 8. 5. 2024
- 79 homoj de tiam tralegis tiun ĉi artikolon
- paĝon oni povas printi
#1 Vladimír Türk
Saluton kaj dankon al ambaŭ miaj longjaraj amikoj!