Multmediaj novaĵoj verkitaj de ĈEA-membroj

NOVA LIBRO

La 10-an de decembro 2018 d-ro Oldřich Arnošt Fischer prezentis en EK Brno sian jam trian originan popularsciencan publikaĵon en Esperanto pri sia hobio entomologio – ĉi-foje titolitan IE SUB NIAJ PIEDOJ, dediĉitan al senvertebruloj. Entute 79 paĝoj sur luksa papero plenas de belegaj fotaĵoj, akompanataj de koncizaj fakaj klarigoj. La libro malkovras pretervidatajn belaĵojn de la naturo kaj per sia arta valoro povas alparoli kaj entuziasmigi eĉ tiujn, kiuj ne interesiĝas pri zoologio aŭ ne aparte ŝatas la koncernajn animalojn.

ISBN 9788073923013

Aĉeteblas kontraŭ 160,– CZK (inkluzive enlandan poŝtsendon!) ĉe la nova Butiko de Esperantista Klubo en Brno, kie haveblas ankaŭ aliaj eldonaĵoj de la klubo.

CETERAJ TEKSTOJ

TOMÍŠEK, Jindřich – aktualaj interesaĵoj por fervojŝatantoj (do ne nur fakuloj)

• El fervoja mondo 2019, n-ro 1
• Trajne por travivaĵoj 2019, n-ro 1

Interesitoj povas aboni senpagan sendadon de sekvaj numeroj ĉe Tomisek.ck @ seznam.cz.

VOTOČEK, Karel – du amuzaj tekstoj, prezentitaj dum la tradicia Esperanto-aranĝo POLUDNICA, okazinta 3.-7.1.2019 en Malaltaj Tatroj

• Daniel Tomáš – Kiel mi ŝtelis fianĉinon – humura rakonto (tradukita el la ĉeĥa)
• Cimerman kaj Poludnica – origine verkita humura rakonto pri la populara fiktiva ĉeĥa geniulo

Pliajn tekstojn (ankaŭ inkluzive Jára Cim(e)rman) eblas trovi en lia persona retpaĝo.

VIKIPEDIA ARTIKOLO

pri la ĉeĥa pentristino kaj artpedagogino Amálie Mánesová (1817–1883), okaze de ŝia naskiĝtagdatreveno la 21-an de januaro – verkis Pavla Dvořáková.

VIDEOJ

Diskuto pri libereco de interreto kaj libereco en interreto gvidita de Václav Zouzalík el Brno kaj Michal Matúšov el Zvolen (partoprenas ankaŭ Jindřich Košťálek, Petr Chrdle kaj László Szilvási) – registraĵo el la programo de KAEST 2018 (20.10.2018 en Modra, Slovakio) – sekvo de la prelego Aŭtorrajtoj/Ko­pirajto – historio kaj nuntempo

filmis Pavol Kaščák (11pably) – komenco ekde la 5-a minuta kaj 33-a sekundo!

Liston de ceteraj filmitaj prelegoj de KAEST ni pretigas por aparta aktualaĵo.

Lumoj en mallumo origina dekminuta filmo, verkita de Pavol Kaščák (Verda Stacio)

Konkursa filmo de P. Kaščák por la filmfestivalo en Ĉinio:

Ŝlosiloj (kaj ĉeĥlingve dublita versio Klíče)

aktoras la ensemblo DOMA el Svitavy

Ni reatentigas krome pri la triminuta filmo Benešov prezentas sin tradukitan kaj dublitan far Vladimír Türk por la ĈEA-konferenco, okazinta 12.-14.10.2018 en la koncerna urbo.

ESPERANTA RETRADIO

(sonartikoloj kun akompanaj tekstoj)

MALÁ, Jaroslava

• Malbono ne ekzistas 21.1.2019
• Miaj spertoj pri internacia geokaŝado 11.1.2019
• Tio estis bela tempo 4.1.2019
• Batpurigilo 28.12.2019

DVOŘÁKOVÁ, Pavla

• La Trireĝa Tago kiel la tago de malavareco 5.1.2019

Ni atentigas ankaŭ pri la artikolo de la radioestro Anton Oberndorfer Tre raportinda evento en Prago (16.122018) pri komuna esperantista vizito de la Esperanta opero Sternenhoĥ de Ivan Acher en la Nova Scenejo de la Nacia Teatro.

Jen la listo de la ĉiutagaj programoj pri aliaj interesaj temoj.

Ĉu vi scias pri alia diskoniginda dosiero? Bv. informi nin ĉe la adreso redakce @esperanto.cz!

kompilis por vi Pavla Dvořáková