Nova Esperanto-klubo naskiĝas
Konata verkisto, diakono kaj psikiatro d-ro
Max Kašparů, kiu estas i.a. relative novbakita, sed sendube tre entuziasma
kaj aktiva esperantisto, ĝuste nun fondas novan Esperanto-klubon en Pelhřimov.
Ĝiaj membroj baptonomis la klubon MONTETARO (ĉar la urbo
situas en regiono Vysočina, t.e. Bohemia-moravia montetaro). 
Ĉeĥa Esperanto-Asocio sincere gratulas kaj deziras al
MONTETARO multe da elano, bonaj ideoj, sukcesoj kaj ĝojo pro novaj aktivecoj
kaj ligitaj kontaktoj!
D-ro Kašparů prezentos sian klubon kaj sian libreton „Kristnaskaj demandoj kaj paradoksoj“ (kiun en E-traduko de Marek Blahuš ĵus eldonis eldonejo KAVA-PECH) la 11-an de decembro kadre de amika diskuto kaj aŭtogramiado dum la tradicia Antaŭkristnaska renkontiĝo en la sudbohemia urbo Písek.
pd
- publikita 14. 9. 2010
- 1587 homoj de tiam tralegis tiun ĉi artikolon
- paĝon oni povas printi